Bloß
ganz kurz
In Rio de
Janeiro an Karneval feiern,
auf am
Schifferl um Cap Horn rumsteuern.
Im Wiener
Prater Schiffschaukel hutschen,
in
Istanbul an türkischen Honig lutschen.
In
Glasgow an schottischen Whiski probiern,
in
Heidelberg kurz sei Herzerl verliern.
In
Australien mit de Kängeruh um d'Wettn hupfa.
In Ägytn
in de Pyramidn neischlupfa.
In Tirol
auf de Berg aufekraxln,
in
Kitzbühel de Ski für a Abfahrt wachsln.
In Athen
weiße Rosn abbrocka
und in
Sylt auf der Bühne 16 hocka.
An Koffer
in Berlin steh laßn
und am
Himalaja Alphorn drom blasn.
In
England in am Geisterschloß hausn,
in Monte
Carlo bei am Rennats mitbrausn.
A Reise
dorthin, de waar gar net schlecht,
des alles
san Sachan, de wo i gern möcht,
des
alles, des daad i ganz kurz gern mal doa,
bloß
lebn, des möcht in Bayern alloa.
Helmut
Zöpfl